Таиланд Қазақстанның ауыл шаруашылығы өнімдерін тұрақты түрде сатып алмақ

Таиланд Қазақстанның ауыл шаруашылығы өнімдерін тұрақты түрде сатып алуға дайын екенін мәлімдеді. Қазақстанның Таиланд корольдігіндегі елшілігі ұйымдастырған іскерлік шарада, екі ел арасындағы сауда айналымын ұлғайту бағыттары талқыланды. Ең әуелі логистика мәселелері шешілуі тиіс. Сонда, ел Оңтүстік-Шығыс Азия аймағындағы Қазақстан өнімдерін тарататын маңызды хабқа айнала алады. Сонымен бірге тараптар жер қойнауын пайдалану, стратегиялық минералдар саласындағы ынтымақтастық және цифрлық экономика бағыттарындағы өзара іс-қимылды да қарастырды. Келіссөздер нәтижесінде, екі елдің кәсіпкерлеріне де жаңа жобаларды іске асыруда қос тараптан қолдау көрсетілмек.