Қостанай облысының жылу желілерін жөндеуге ₸2,2 млрд бөлінді

Президент тапсырмасын іске асыру мақсатында Қостанай облысының жылу желілерін жаңғырту үшін Үкімет резервінен 2,2 млрд теңге қаражат бөлінді. Тиісті қаулыға Премьер-Министр Олжас Бектенов қол қойды. Қаражат Қостанай, Жітіқара, Арқалық қаласындағы жылу желілерін және Рудный қаласының су жүйесін жөндеуге бағытталды. Оның 188 млн теңгесі облыс орталығындағы 70 жыл бұрын салынған жылу электр нысанының бас бу құбырын жаңғыртуға жұмсалады.