Бизнеске несие беретін банктерге талап жеңілдейді

Қаржы нарығын реттеу және дамыту агенттігі бизнеске несие беретін банктерге жүктемені азайтады. Қазіргі заңнамаға сәйкес, банктердің қорында қомақты қаржы болуы тиіс. Мәселен, кәсіпкерлерге қарыз берсе, резервте одан бірнеше есе көп қаражат сақталуы керек. Енді талап жеңілдейді. Бизнесті қолдау әсіресе ислам банктері үшін тиімді болмақ. Агенттік оларға да арнайы ереже дайындаған. Құжат қоғамдық талқылауға шығарылды. Шешімі 15 желтоқсанда белгілі болады.