Көлік дөңгелегін қысқыға ауыстырмағандарға айыппұл салынады

Бүгіннен бастап қысқы дөңгелекке ауыспаған жүргізушілерге айыппұл салынады. Бұл туралы Ішкі істер министрлігі ескертті.

Заңға сәйкес, 1 желтоқсаннан 1 наурызға дейін көлік міндетті түрде қысқы дөңгелекпен жүруі тиіс. Талапты орындамаған жүргізушілерге шара қолданылады.

Бірінші рет ереже бұзған жағдайда 5 айлық есептік көрсеткіш көлемінде, яғни 19 мың теңгеден аса айыппұл арқалайды. Ал егер бір жыл ішінде екінші рет заң бұзушылық болса, 20 айлық есептік көрсеткішке дейін өсіп, шамамен 79 мың теңгеге жуық айыппұл салынады.