Жамбыл облысында 32,5 мың кәсіпкер несие алған

Биыл Жамбыл облысында 32 мың 500 кәсіпкерге шамамен 300 миллиард теңге көлемінде несие берілді. Бұл туралы өңір әкімі Ербол Қарашөкеев орталық коммуникациялар қызметінің арнайы брифингінде айтты. Соның ішінде мемлекеттік бағдарламалардың көмегімен 52 млрд теңгеге 1,218 жоба іске асқан. Жалпы аумағы 40 мың шаршы метр өнеркәсіптік аймақтар құрылды. Бұл өңірдегі өнім көлемін 18 пайызға, яғни 765 миллиард теңгеге арттыруға көмек берді. Бүгінде облыстағы шағын және орта бизнес жалпы ішкі өнімнің 22 пайызынан асады.