Астанада ЖИ негізінде жұмыс істейтін бейнекамералар орнатылып жатыр

Астанада жасанды интеллект негізінде жұмыс істейтін бейнекамералар орнатылып жатыр. Смарт жүйенің «Сергекке» қарағанда мүмкіндігі мол. 35-тен аса алгоритмі бар. Бет-әлпетті тану, азаматтардың мінез-құлқын талдау, жол қозғалысына қатысты аналитика және төтенше жағдайлар қызметін автоматты түрде хабардар ете алады. 

Жалпы, елордаға жаңа жүйедегі 20 мыңнан аса бейнекамера орнату жоспарланған. Астана әкімдігі бұл жұмыстар жыл соңында аяқталады деп хабарлады.