Импортталатын дәрі-дәрмек шикізатына ҚҚС салынбайды

Импортталатын дәрі-дәрмек шикізаты қосылған құн салығынан босатылады. Бұл туралы Үкімет отырысында Денсаулық сақтау министрі мәлімдеді.

Ақмарал Әлназарованың айтуынша, мұндай жаңа салық жеңілдігі отандық дәрілік өнімдердің құнын төмендету және саланы қолдауға бағытталған. Сонымен қатар ведомство елімізде шығарылатын тауарларды ауруханаларға сатып алу үлесін ұлғайтуға ниетті. Министрдің ақпаратынша, Қазақстанда 200-ден астам тауар өндіруші тіркелген. Өткен 10 айдың қорытындысы бойынша олардың өнімділігі 11,7%-ға өсіп, 156 млрд теңгеден асқан. Дәрі-дәрмектің 460 атауын локализациялауды көздейтін тағы 9 инвестициялық жоба қаралу сатысында тұр.