Қазақстандағы шетелдік студенттер 35 мыңнан асты

Қазақстанның жоғары оқу орындарында білім алып жатқан шетелдік студенттер саны 35 мыңнан асты. Бұл туралы Ғылым және жоғары білім министрлігі хабарлады.

Қазір елімізде 88 мемлекеттен келген студенттер білім алады. Нақты статистикаға тоқталсақ, Алматыда 18195, Астанада 4292, Шымкентте 3645 шетелдік оқып жүр. Басым бөлігі Үндістан, Түрікменстан, Өзбекстан, Қытай және Ресей азаматтары. Олардың 1 950-і денсаулық сақтау мен медицина, 5 943-і педагогикалық ғылымдар, 4 539-ы бизнес және құқық, 3 374-і инженерия және 2 141-і информатикалық технология бағытында оқиды.