Мемлекет басшысы Махмұд әл-Хаббашты қабылдады

Мемлекет басшысы Палестинаның Жоғары судьясы және Президенттің дін істері жөніндегі кеңесшісі Махмұд әл-Хаббашты қабылдады. Кездесуде Қасым-Жомарт Тоқаев Қазақстанның Таяу Шығыстағы жағдайды дипломатиялық жолмен шешуді, халықаралық құқыққа сәйкес «қос халық үшін екі мемлекет» формуласын қолдайтынын мәлімдеді. Ал Махмұд әл-Хаббаш Президенті Махмұд Аббастың хатын тапсырды және Қазақстанның Палестина халқына көрсеткен қолдауына ризашылығын жеткізді. Кездесу соңында Қасым-Жомарт Тоқаев Махмұд Аббасқа ізгі сәлемін жолдап, оны Қазақстанға ресми сапармен келуге шақырды.