Ақтөбеде екі адам суға кетіп, қайтыс болды

Ақтөбеде екі адам суға кетіп, қайтыс болды. Оның бірі – 16 жастағы оқушы. Кеше полицияға 2009 және 1998 жылы туған екі адамның жоғалғаны туралы хабарлама түскен. Артынша Елек өзенінің жағалауынан олардың ұялы телефондары табылды. Іздестіруге құтқарушылар мен әскерилер және еріктілер тартылды. Сүңгуірлер олардың денесін судан алып шықты. Марқұмдардың денесінен зорлық-зомбылық белгілері анықталмаған. Қазір тергеу амалдары жүріп жатыр.

Кеше іздестіру шаралары кезінде департаменттің сүңгуірлер бөлімшесімен жоғалған жасөспірімнің денесі Елек өзенінен судың ішінен табылды. Материалдар процесуалдық шешімдер шығару үшін Полиция департаментіне жолданды. Бүгін 1998 жылғы азаматтың денесі – екінші жоғалған адам дронның көмегімен табылып, құтқарушылардың көмегімен судан шығарылды.