Әскери борышын өтегендерге 3 мыңнан аса грант берілді

Былтыр көктем мен күзде әскерге шақырылып, биыл қызметін аяқтаған үш мыңнан астам азаматқа мемлекеттік гранттар берілді. Жалпы, әскерден босатылғандар екі жыл ішінде азаматтық және әскери жоғары оқу орындарына ҰБТ тапсырмай-ақ, ақылы негізде оқуға түсе алады. Ал конкурстық іріктеуден сәтті өткен Sarbaz 2.0 жобасына қатысушылар үшін мемлекет есебінен жоғары білім алу мүмкіндігі қарастырылған. Sarbaz 2.0 ақпараттық жүйесінде жауынгерлік даярлық көрсеткіштері, тәртіп және әрбір әскери қызметшінің тестілеу нәтижелері тіркеледі. Іріктеу нәтижелері платформада жарияланады.