«Самұрық-Қазына» жыл соңына дейін 9 ірі жобаны пайдалануға береді

Президент «Самұрық-Қазына» акционерлік қоғамының басқарма төрағасын қабылдады. Нұрлан Жақыпов Мемлекет басшысына қордың биыл атқарған жұмысының нәтижелері туралы есеп берді. Бүгінде қордың инвестициялық портфелінде жалпы сомасы 53 триллион теңге болатын 130-ға жуық жоба бар. Биыл CASPI BITUM зауытының қуаты артып, күн электр стансасы мен су тұшытатын зауыт іске қосылған. Жыл соңына дейін тағы 9 ірі жоба пайдалануға берілмек. Қасым-Жомарт Тоқаев қорға инвестициялық жобаларды сапалы жүзеге асыру және ұлттық активтердің орнықты дамуы бойынша бірқатар міндет жүктеді.