Субсидия – салаға демеу

Биыл Қазақстанда ауыл шаруашылығымен айналысатын кәсіпкерлерге 434 млрд теңгеге жуық субсидия бөлінді. Егін шаруашылығы саласына басымдық беріліп отыр. Дәнді дақылдар өндірісі бойынша Солтүстік Қазақстан облысы ел көлемінде үшінші орында. Биыл өңір шаруалары 60 млрд теңгеден астам демеуқаржы алды.

Ғаббас Жантаев, шаруа:

Бөлінген субсидияларға келе жатқан науқанға немесе келе жатқан көктемгі егістікке, техника дайындауға көмегі бар. Өйткені уақытында жанармай, қосалқы бөлшектер, техникалар аламыз.

Биыл үкімет Солтүстік Қазақстан облысына қосымша 15,4 млрд теңге бөлген. Қаржының 98 пайызы игерілді. Мамандардың айтуынша, жалпы сомасы 57 млрд теңге болатын 16 мың өтініш қанағаттандырылған, әзірге төлем жасалған жоқ. 

Асхат Рамазанов, Ауыл шаруашылығы басқармасы басшысының орынбасары:

Мал шаруашылығын дамытуға 10,4 млрд теңге бөлінді. Қалған сома ауыл шаруашылығының басқа да бағыттарына жұмсалды. 16 мың өтініш бойынша қаржының түсуіне қарай төленеді. Бұл жұмыс келер жылы да жалғасады. Субсидия мен жеңілдетілген несие салаға мемлекет тарапынан жасалып отырған үлкен қолдау.