Кореяда заңсыз жүргендер елге айыппұлсыз орала алады

Енді Оңтүстік Кореяда заңсыз жұмыс істеп жүрген қазақстандықтар айыппұлсыз ерікті түрде елге қайта алады. Азаматтар бұл мүмкіндікті 2025 жылдың желтоқсанынан 2026 жылғы ақпанын қоса алғандағы аралықта пайдалана алады. Еңбек министрлігі Кореяның Әділет министрлігімен заңсыз көші-қонды азайту және азаматтарымыздың құқықтарын қорғау мәселелері бойынша жүргізілген келіссөздер барысында ерікті қоныс аудару бағдарламасының мерзімдерін кеңейтуге уағдаласты. Бағдарламаға қатысу үшін төлқұжат пен ерікті қоныс аудару туралы өтініш және әуе билеті қажет. Дегенмен оған қылмыстық құқықбұзушылық жасаған, мәжбүрлеп шығару шарасына жататындар қатыса алмайды.