Енді бет-жүзін толық жапқан кез келген адам жауапкершілікке тартылады

Енді бет-жүзін толық жапқан кез келген адам жауапкершілікке тартылады. Яғни, түрін адам танымастай жасырғандар заң алдында жауап береді. Бірінші оларға ескерту жасалады. Ескертуді елемей, екінші рет тәртіпке бағынбаса, 10 айлық есептік көрсеткіш көлемінде айыппұл салынады. Бүгін Мәжілісте әкімшілік құқық бұзушылық туралы кодекске осыған қатысты жаңа бап енігізу туралы заң жобасы қаралды. Яғни, қоғамдық орындарда бет-әлпетті тануға кедергі келтіретін киім-кешектерді кию туралы заңнама талаптарын бұзғаны үшін жауапкершілікті көздейтін жаңа бап енгізіледі.

Үнзила Шапақ, Мәжіліс депутаты:

Тек көзін қалдырып, басқасын жауып тастаған болса, осы жағдайда қарастырылады. Маска кигендерге, белгілі бір қорғаныш шлем киген азаматтарға немесе аула тазалаушы азаматтар жүреді ғой, мысалы, бетін күннен қорғау мақсатында  жауып алған жамылғылары болады. Бұларға қатысы жоқ. Бет-әлпетін жауып тастау, адам танымастай болу – ол ниқаб деп аталады екен. Біздің айтып тұрғанымыз ниқаб. Ниқаб болмайды.