Министрлік Ж.Әлімханұлына қолдау көрсетуге дайын

Туризм және спорт министрлігі Жәнібек Әлімханұлының допинг дауына байланысты пікір білдірді. Вице-министр былғары қолғап шеберінің тыйым салынған затты қабылдамағанына сенімді. Қазір кәсіпқой боксшының командасымен байланыста және жан-жақты қолдау көрсетуге дайын екенін айтты. Қажет болса, осы жайтқа құқықтық алаңда баға бере алатын халықаралық сарапшыларды тарта аламыз, дейді. Сондай-ақ ол алдын ала қорытынды шығаруға асықпауға шақырды.

Серік Жарасбаев, Туризм және спорт вице-министрі:

Ресми ақпаратты күту керек, біріншіден. Екіншіден, әрбір спортшыдан осындай жағдай болған кезде өзінің құқығын қорғау тәсілдері де бар, мүмкіндігі де бар. Қазіргі уақытта егер онда командасына біздің жақтан қандай да құжат керек болса, біз оған дайынбыз.