Қарағанды облысының прокурорлары «Құқықтық тәртіп әліппесі» акциясын өткізді

Елімізде халықтың 65 пайызы прокурорларға сенім артады. Халықтың үдесінен шығу үшін мамандар Қарағанды облысында «Құқықтық тәртіп әліппесі» акциясын өткізді. Қоғам белсенділері мен жастар бірлестіктерінің өкілдері прокуратураның қызметімен танысты. Қылмыстық, әкімшілік және азаматтық істерді қарау, сот отырыстарына қатысу, сотқа дейінгі тергеп-тексеру  сынды функциялар туралы мағлұмат алды. Бұл прокуратура қызметінің ашықтығын арттырып, қоғаммен байланысты күшейтеді, дейді мамандар.

Бұл акцияның мақсаты – қоғамды оның ішінде депутат, журналист, блогерлерді прокуратура жұмысымен таныстыру. Құқықтық тәртіп әліппесі жобасы прокуратура мен қоғамның күш жігерін біріктіріп, заңның орындалуына, құқықтық мәдениеттің нығаюына ықпал етеді деп санаймыз.