Елде 620 жеке стоматологиялық клиника тексеріледі

Елде 620 жеке стоматологиялық клиника тексеріледі. Бұл туралы Денсаулық сақтау министрі Ақмарал Әлназарова айтты. Оның сөзінше, жыл басынан бері 160 тіс емханасына мониторинг жасалған. Тексеріс кезінде препараттардың мерзімі, өзге де талаптардың сақталуы ескеріледі.

Еске салсақ, осыдан бір жыл бұрын Астанада жеке стоматологиялардың бірінде дәрігерлер бүлдіршіннің бірден 18 тісін емдеу үшін севоран препаратын қолданған. Үш жарым сағатқа созылған операциядан кейін бала есін жимастан көз жұмды. Қазір қайғылы жағдай болған клиника дәрігеріне қатысты сот өтіп жатыр.