Атырау облысында 60 гитарашы Т. Досымовтың әнін шырқады

Атырау облысы Индер ауданында Табылды Досымовтың 60 жылдығына орай 60 гитарашы бір мезетте ән шырқады. Қазақтың тұңғыш бард ақыны туған өңірде оның әндерін орындау дәстүрге айналған. Мұнда әрбір екінші жас гитара тартып, Табылды шығармаларын нақышына келтіре орындайды. Өнерге құштар жастар қатары жыл сайын артып келеді. Бұл жолы осы дәстүрдің жалғасы ретінде жерлестері ақынның ескерткішінің жанында бас қосып, маңғыстаулық шайыр Светқали Нұржановтың сөзіне жазылған, Табылды Досымовтың «Сәйгүлік» әнін орындады.