Енді концерттерде фонограмма қолдануға шектеу қойылады

Президент балаларды қорғауды күшейтетін және білім, мәдениет саласында маңызды өзгерістер енгізетін заңға қол қойды. Енді асырап алу мен қамқоршылыққа алу кезінде алдымен туыстары мен отбасылы адамдарға басымдық беріледі. Олардың тамақтануы, тұрғын үйі, медициналық қызметтерді алуын мемлекет қатаң қадағалайды. Сондай-ақ техникалық және кәсіптік оқу орындары өз қызметін рейтинг бойынша бағалайды. Жоғары оқу орындары мен ғылыми мекемелер арнайы әдістемеге сүйене отырып сараланады. Мәдениет саласында да өзгерістер бар. Енді концерттерде фонограмма қолдануға шектеу қойылмақ. Туындыларды жариялаған кезде авторларды көрсету міндетті. Сондай-ақ кітапхана қорын байыту мен сақтау жергілікті әкімдіктің құзыретіне берілді.