Футболдан Әлем кубогы Вашингтонға жеткізілді

Әлем кубогы - АҚШ астанасы Вашингтонға жеткізілді. Футболдың ең басты жүлделерінің бірі қаланың көрнекті жерлеріне қойылып, жанкүйерлерге ерекше әсер сыйлап жатыр. Трофей кейін Джон Кеннеди атындағы атақты өнер орталығында таныстырылды. Мұнда FIFA аңызы Рио Фердинанд пен ұйым өкілдері журналистерге салтанатты жиын өтетін залды алғаш рет көрсетті. Ал көптен күткен жаһандық жарыстың жеребе тарту рәсімі ертең болады. Тарихи шараны «Qazaqstan» телеарнасы сағат 22:00-де тікелей эфирде көрсетеді. Алдағы ала доп аламаны қатысушы ел санымен есте қалмақ. Нақтырақ айтқанда, 48 елдің командасы бақ сынайды. Чемпионат 11 маусымда басталып, 19 шілдеде аяқталады.