Елімізде ауа райы құбылмалы болады

Бүгін еліміздің басым бөлігінде құбылмалы ауа райы болады. «Қазгидрометтің» хабарлауынша, бірнеше өңірде тұман түсіп, жауан-шашын және көктайғақ болуы мүмкін. Ал оңтүстік, солтүстік және Орталық Қазақстанда екпіні секундына 20 метрге дейін жететін жел соғады. Мамандар алыс жолға шығарда барынша абай болуды ескертеді. Қиын жағдайға тап болсаңыз дереу 112 нөміріне қоңырау шалыңыз.

Қызылорда облысын қалың тұман басты. Осыған байланысты Батыс Еуропа - Батыс Қытай автожолында көлік қозғалысына шектеу қойылды. «ҚазАвтоЖол» компаниясы Қармақшы мен Жаңақорған ауданы аралығында республикалық маңыздағы автодәліздің жабылғаны туралы хабарлап отыр.