«Жас Сарбаз» қозғалысының құрамы 286 мыңға жетті

Биыл «Жас Сарбаз» балалар-жасөспірімдер әскери-патриоттық қозғалысының 500-ден аса түлегі әскери оқу орындарына қабылданды. Бұл туралы ұйымның жиында айтылды. Жалпы бүгінде «Жас сарбаздың» құрамында 300 мыңға жуық адам бар. Көпшілігі мектеп оқушылары мен студенттер болса, 4 мыңдайы әскери қызметші. Кейінгі 7 жылда олардың қатысуымен 1 жарым миллионнан астам әскери-патриоттық іс-шара өткен.

Тілеухан Басқожаев, Қорғаныс министрлігінің департамент басшысы:

Биыл өздеріңізге мәлім, 16-шілдеде Президет заң қабылдады, әскери жастардың тәрбиесі жайлы. Одан бізге біраз оңтайлы өзгеріс келді. Біраздан бері талқыланып жүрген алғашқы әскери дайындық сабағы 36 сағатқа дейін қысқарып кетіп еді, қазір сол 96 сағатқа өзгеріп жатыр.