Заңгерлердің өкілеті кеңейетін болды

Елімізде заңгерлердің өкілеті кеңеймек. Бүгін Президент жанындағы Адам құқықтары жөніндегі комиссия отырысында адвокатураны күшейтуге бағытталған бірқатар бастама талқыланды. Ең басты ұсыныс – оларға Конституцияда жеке бап беру. Бұл қадам қорғаушылардың тәуелсіздігін нығайтады. Қазір басты құжатта прокуратураның статусы бар, ал адвокатураның дәрежесі нақтыланбаған. Сарапшылар тепе-теңдікті қалпына келтіру қажет дейді. Сонымен бірге,  қазір көптеген шағым тек қағаз жүзінде қалып, ашық талқылаусыз өтеді. Сондықтан ауызша тыңдау тәжірибесін енгізу, тергеу органдары мен қорғаушы арасындағы даулы мәселелерді екеуара диалогта қарастыру да көтерілді.

Себебі адамның басына іс түскен кезде азаматтың ең жақын досы әрі танысы адвокат болып қалады. Егер осылардың біз тәуелсіздігін қамтамасыз етсек, олардың тергеу органдарымен теп-теңдігін, жарыспалығын қамтамасыз етсек, онда нағыз қылмыстық процесс біздің Конституцияның аясында және халықаралық стандарттар бойынша жүргізіледі.