Басты Жаңалықтар Сиыр етін экспорттауға жыл соңына дейін квота енгізілді

Сиыр етін экспорттауға жыл соңына дейін квота енгізілді

05.12.2025 20:21

Ауыл шаруашылығы министрлігі жыл соңына дейін сиыр етін елден әкетуге сандық шектеу енгізді. Лимит 13 000 тонна. Министрлік мәліметінше, бұл - мал басы мен ет өңдеу кәсіпорындарының мүмкіндігін, бордақылау алаңдарының қуаттылығына қарай белгіленген. Вице-министр жаңа ережеде ең алдымен ішкі нарық мәселесі ескерілгенін жеткізді.
Аманғали Бердалин, ҚР Ауыл шаруашылығы вице-министрі:

Ауылшаруашылық құрылымдар егер де сыртқа шығаратын болса, 15 пайызын ішкі нарыққа жіберіп отыруы керек. Сонымен біз теп-теңдікті сақтаймыз деп отырмыз. Соңғы 2 айда ет бағасы төмендеді. 3100 бен 4,5 мыңның көлемінде сату орындарынан сатып алуға мүмкіндік бар.

10 айда ет өндіру көлемі 2,8%-ға өсіп, 914 мың тоннаға дейін жеткен. Сондай-ақ сүт өндірісі 5,2%-ға артқан. Мал шаруашылығының жалпы өнім көлемі - 3 трлн теңге. Кәсіпорындар 30 мың тоннадан аса сиыр етін сыртқы нарыққа шығарса, қой етінің экспорты 25 мың тоннадан асқан.

Автор

Қозы Көрпеш Жасарал

Бөлісу