Шиелі ауданында әлеуметтік осал топтағы отбасыларға арналған жаңа тұрғын үйлер ел игілігіне берілді

Қызылорда облысы Шиелі ауданында әлеуметтік осал топтағы отбасыларға арналған жаңа тұрғын үйлер ел игілігіне берілді.
Жылдар бойы баспана тауқыметін тартып келген 22 жанұя қуанышқа бөленіп, қоныс тойын тойлады. Сондай-ақ, Шиелі кентінің іргесінде теміржол бойында орналасқан №21 бекет пен Жансейіт ауылына табиғи газ берілді. Маңызды жоба межелі мерзімде аяқталып, жыл соңында әлеуметтік нысандар мен тұрғын үйлер көгілдір отынға қосылды. Енді елді мекен жұртшылығы пеш жағып, күл шығару машақатынан құтылып, жылыту жүйлерін газға ауыстырып жатыр.