Прокуратура күніне орай жасөспірімдер арасында дзюдодан жарыс өтті

Бүгін - прокуратура күні. Осыған орай, Петропавлда жасөспірімдер арасында дзюдодан облыстың ашық кубогы өтті. Спорттық шара «Заң мен тәртіп» жобасы аясында ұйымдастырылды. Жарысқа Петропавл қаласы мен аудандардан келген 100-ге жуық дзюдошы қатысты. Шараның мақсаты – салауатты өмір салтын насихаттау, балалардың спортқа деген қызығушылығын арттыру, заңды құрметтеуге баулу, дейді ұйымдастырушылар. Жеңімпаздар арнайы сыйлықтармен марапатталды.
Әнуар Құнанбаев, жаттықтырушы:

Жарыс өте жоғары деңгейде өтуде. Мықты-мықты спортшылар бар. Біздің облысымызды республикалық турнирларды таныстырып жүрген. Осындай жарыстардың жиі өткізіліп тұрғаны ол оқушыларға өте пайдалы. Спортшыларға бұл біріншіден тәжрибе жинайды. Балалар бір-бірімен кездеседі.