Астана мектептерінде тұмаудың күшеюіне байланысты шектеулер енгізілді

Астанада оқушылар арасында тұмаудың тез таралуына байланысты сақтық шаралары күшейтілді. Қалалық бас санитар дәрігер қол қойған қаулыға сәйкес, сыныптағы оқушылардың 30 пайызынан ауру анықталса, қашықтан оқытуға жіберіледі. Күн сайын балалардың денсаулығы тексеріліп, тұмау симптомы анықталғандар үйлеріне қайтарылады. Мәдени, спорттық мерекелерді ұйымдастыруға да тыйым салынды. Бұл шектеулер қаладағы эпидемиологиялық жағдай тұрақталғанға дейін жалғасады.