Өзбекстан Қазақстан тауарларын негізгі сатып алушыларының біріне айналды

Өзбекстан Орталық Азия елдері арасында қазақстандық тауарлардың негізгі сатып алушыларының біріне айналды. Әсіресе ауыл шаруашылығы өнімдерінің импортында айтарлықтай өсім байқалды. Бұл туралы сауда және интеграция министрлігі хабарлап отыр. Мәліметке сай биылғы жылдың тоғыз айында Қазақстанның көрші елге тауар экспорты 2,5 миллиард долларға дейін артқан. Яғни бұл көрсеткіш бір жылда 26 пайызға өсіп отыр. Бір ғана астық саудасының көлемі 480 млн долларға жуықтайды. Өсім 20%-дан астам. Күнбағыс пен мақсары майының импорты да айтарлықтай көбейген.

Арман Шаққалиев, ҚР Сауда және интеграция министрі:

Ең жоғары сұранысқа ие ол азық түлік тауарлары бидай, ұн, кондитерлік өнімдер, машина жасау және металл бұйымдары. Біздің екі елдің тауар айналымымыз жылдан жылға өсіп жатыр.