Қасым-Жомарт Тоқаев Еуразиялық экономикалық комиссия алқасының төрағасы Бақытжан Сағынтаевты қабылдады

Қасым-Жомарт Тоқаев Еуразиялық экономикалық комиссия алқасының төрағасы Бақытжан Сағынтаевты қабылдады. Кездесуде Еуразиялық экономикалық одақтың қазіргі жай-күйі мен елдер арасындағы ықпалдастықты одан әрі дамыту, негізгі бағыттар сөз болды. 2026 жылы Қазақстанның Еуразиялық экономикалық одаққа төрағалығы аясында атқарылатын жұмыстар талқыланды. Сондай-ақ биыл 21 желтоқсанда Санкт-Петербург қаласында өтетін Жоғары Еуразиялық экономикалық кеңес отырысына дайындық барысы қаралды.