ҰҚШҰ «Терроризмге қарсы іс-қимыл туралы» заңды қабылдады

Ұжымдық қауіпсіздік шарт ұйымына мүше елдер Қазақстан дайындаған «Терроризмге қарсы іс-қимыл туралы» заңды қабылдады. Құжат лаңкестікке қарсы іс-әрекет саласындағы мемлекеттік органдардың өзара байланысын, террористік қаупі жоғары нысандарды қорғау және басқа да мәселелерді реттейді. Ұйымның парламенттік ассамблеясында Мәжіліс төрағасы Ерлан Қошанов геосаяси тұрақсыздыққа қарамастан биыл халықаралық деңгейде қабылданған бірқатар маңызды шешімге назар аударды. Өзге делегациялар тарапынан да заңнамаларды жетілдіруге қатысты бірқатар ұсыныс айтылды. Кездесу соңында парламентшілер дамушы көпполярлы әлемде халықаралық қауіпсіздікті қамтамасыз ету туралы мәлімдеме қабылдады.