Астанада «Құндылық. Тұлға. Болашақ» атты педагогтар форумы өтуде

Адамзаттық құндылықтарды оқу-тәрбие үдерісіне интеграциялау. Бұл тақырып бүгін Астанада өтіп жатқан «Құндылық. Тұлға. Болашақ» атты халықаралық педагогикалық форумда кеңінен талқыланды. Ашық алаңға жиналған мың жарымға жуық ұстаз адамзаттық және ұлттық құндылықтарды пәнге кіріктірге отырып оқытудың маңыздылығын айшықтады. Педагог – сабақ беруші ғана емес, тұлға тәрбиелеушісі, болашаққа жол сілтеуші дейді жиналғандар. Спикерлер Татарстан, Қырғызстан, Өзбекстан, Тәжікстан елдерінен келген. Форум екі күнге жалғасады. Шараға еліміздің әр өңірінен 10 мыңнан аса ұстаз онлайн қосылмақ.

Мәселен, бізде математика пәнінің мұғалімі өзінің сабағын отанды сүю, ұлт тәрбиесі сияқты тақырыппен бастайды. Әр пән мұғалімдері осылайша 45 минуттың 7-10 минутын тәлім-тәрбиеге бөледі. Мұндай тәжірибені 2015 жылдан бері барлық мектепте қолданып келеміз.

Мұғалімнің әрбір күні ол тарих болып есептеледі. Соған байланысты әрбір мұғалім сабақ берген кезде қалай баланың қасиеттерін аша білу керек, қалай өмірге бағыттау керек және кейде бір қиындықтарға түскен кезде ол қиындықты ұстаз болып, қалай алып шығу керек екенін, сол бағыттарын көрсетеді.