БҚО-да 110 мыңдай киік ауланған

Батыс Қазақстан облысында 108 мың 500 бас киік ауланды. Қазір бөкен еті көршілес облыстарға да сатылып жатыр. Киік санын реттеуге 18 жұмыс бригадасы қатысты. 42 мың киікті аңшылар түнде атып алса, ал 66 мыңы кораль арқылы ауланды. Жануардың етін өткізумен 15 кәсіпорын айналысты. Солардың бірі «Кублей» зауыты 27 мың бас киік етін қабылдап, қайта өңдеу үшін тоңазытқышқа сақтап отыр. Ал қалған 14 кәсіпорын 81 мың бас бөкен етін осы өңірмен қоса, көршілес аймақтарға да сатып жатыр. Жергілікті билік киіктің мүйізінен тұяғына дейін өңдеп, дәрі-дәрмек, тағам, мал азығын шығаратын қытайлық инвестормен келісім жасасты. Келер жылы кәсіпкер Казталов ауданында жаңа кәсіпорын ашпақ.