Президент Ресейдің Қазақстандағы елшісін қабылдады

Қазақстан мен Ресей арасындағы көпжоспарлы ынтымақтастық барлық бағытта дамып, саяси диалог бұрын-соңды болмаған қарқынды сипат алды. Ресейдің Қазақстандағы елшісі Алексей Бородавкинді қабылдаған Президент осылай деді. Қасым-Жомарт Тоқаев мұның бірлескен күш-жігердің арқасында жүзеге асқанын жеткізді. Қазақстан Президенті жуырда Ресейге жасаған мемлекеттік сапарының және Владимир Путинмен жүргізген келіссөздердің табысты өткеніне баса назар аударып, оның нәтижесі жан-жақты стратегиялық серіктестік және одақтастық қарым-қатынастарға айтарлықтай серпін бергеніне тоқталды.