Иран президенті Қазақстанға алғаш рет ресми сапармен келді

Иран Ислам Республикасының Президенті Масуд Пезешкиан Қазақстанға алғаш рет ресми сапармен келді. Қадірлі мейманды Ақордада салтанатты қарсы алу рәсімі өтті.

Президент сарайында құрмет қарауылы сап түзеп, екі елдің әнұраны орындалды. Одан соң мемлекет басшылары келіссөздерді бастады. Екі ел арасындағы алыс-беріс жылдан жылға күшейіп келеді. Биылғы 10 айда көрсеткіштер былтырғымен салыстырғанда 40 пайызға артты. Енді осы қарқынды тоқтатпай, өзара сауда көлемін арттыра түсу қажет деді Қасым-Жомарт Тоқаев. Масуд Пезешкиан да Саяси-экономикалық, мәдени-гуманитарлық және қауіпсіздік салаларындағы ықпалдастықтың әлеуеті зор екеніне тоқталды.