«Жас шекарашы» әскери-патриоттық клубы спорттық сайыс өткізді

Елорда мектептерінің бірінде «Жас шекарашы» әскери-патриоттық клубы Тәуелсіздік күніне орай спорттық сайыс өткізді. Патриоттық клуб осыдан төрт ай бұрын шекара қызметі, шекара ардагерлері мен мектеп арасындағы өзара келісімі аясында құрылған. Оның құрамында әзірге 16 оқушы бар, олар өздерінің білімін, физикалық дайындығын дәлелдеу арқылы іріктелді. Сайысқа қатысқан клуб мүшелері қатарластарымен бірге  күш-жігерін, төзімділігін, командалық рухын көрсетті. Алдағы уақытта білім ошақтарында осындай әскери-патриоттық клубтарының аясын кеңейту көзделген. Бұл шара жас өрендердің патриоттық санасын қалыптастыру, елге қызмет етуге даярлығын арттыру және мемлекеттік құндылықтарға құрмет сезімін дамытуға бағытталған, дейді ұйымдастырушылар.

Қазіргі таңда балалар күнделікті шекара қызметін көріп жатыр, сыныптан, қалашықтан көріп жатыр. Офицерлер сабақ өткізіп жатыр. Менің ойымша, келешекте олар отанын адал қорғайтын офицер болады деп үміттенеміз.

Шекарашы ғана емес, еліміздің қорғанысы болатын өрендерімізді дайындауға, баулуға ат салысудамыз. Ол шекарашы бола ма, ол ұшқыш бола ма - болашақ көрсетеді. Біздің басты мақсат – отансүйгіштікке, әскери бейімділікке үйрету.