Атыраудағы ауылда өрт сөндіру пункті ашылды

Атырау облысының Сүйіндік ауылында өрт сөндіру пункті ашылды. Бұл еліміздегі төтенше жағдайға қарсы ауылдық жерде бой көтерген алғашқы нысан. Жаңа ғимараттың  ішінде жедел қызметке қажет кезекші-диспетчерлік пункт, демалыс, оқу-жаттығу сыныбы секілді барлығы 17 бөлме қарастырылған.  Бұдан бөлек жалпы саны 4 мыңнан асатын тұрғыны бар Батырбек, Егінқұдық, Жалғызапан, Балқұдық сынды елді мекендердің де өрт қауіпсіздігіне жауапты. Сонымен қатар іс-шара барысында бөлімшеге  әртүрлі санаттағы 2 қызметтік автокөлік берілді.

Әбділда Баякеев, облыстық ТЖД бастығының бірінші орынбасары:

Барлық аудандарда шалғай орналасқан елді мекендерде осы жұмысты жалғастырамыз. Қазіргі таңда 2026 жылы 22 өрт сөндіру пунктін ашу жоспарда бар. Осы орайда жергілікті атқару биліктің қолдауымен жүзеге асырылады.