Президент Ашхабадтағы Бейтараптық монументіне гүл шоғын қойды

Президент Қасым-Жомарт Тоқаев Түрікменстан астанасындағы Халықаралық бейбітшілік және сенім жылына арналған форум аясында басқа да мемлекет басшыларымен бірге Бейтараптық монументіне гүл шоғын қою рәсіміне қатысты. Бұл кешен Түрікменстанның бейбітшілік пен жасампаздық ұстанымына бейіл екенін көрсетеді. Содан кейін Мемлекет басшысы Ашхабадтағы халықаралық форумға қатысу үшін Конгресс орталығына барды. Қасым-Жомарт Тоқаевты Түрікменстан Президенті Сердар Бердімұхамедов қарсы алды.