Зейнетақы жинағы пластикалық операцияға берілмейді

Зейнетақы қорындағы жинақты көз емдетуге тыйым салынғаннан кейін қаражатты пластикалық операцияға пайдаланатындар көбейді. Бұл туралы «Отбасы банкінің» баспасөз қызметі айтты. Мәселен бұрын пластикалық ота жасатуға орташа есеппен 16 өтінім ғана келсе, қыркүйекте 126, ал қазанда 1800-ден асты. Ал қарашада тіпті 4 мыңға жуықтаған. Аналитиктер бұл ақшаны заңсыз шешіп алудың кезекті схемасы деген болжам айтып отыр. Сондықтан бүгіннен бастап жинақ ақшасы пластикалық операция жасатуға да берілмейтін болды.