Жапонияда 6,7 балдық жер сілкінді

Жапонияның солтүстік-шығыс өңірінде таңертең қуаты 6,7 балдық жер сілкінісі болды. Дүмпу ошағы Аомори префектурасында 20 шақырым тереңдікте анықталған. Іле-шала магнитудасы шағын бірнеше дүмпу тіркелді. 6 мыңдай тұрғынға қауіпсіз жерге көшу туралы ескерту жасалды. Дүмпуден кейін цунами көтерілуі мүмкін деп жарияланған еді. Көп ұзамай бұл қауіп сейілді. Дүйсенбіде дәл осы өңірде 7,5 балдық зілзала болып, ондаған тұрғын жараланды. Сол жер сілкісінен кейін билік тұрғындарға апта ішінде тағы бір дүмпу болуы мүмкін екенін ескерткен еді.