Газада суықтан 14 адам қаза тапты

Газа секторында күн суытты. Әсіресе үйсіз қалған 1,5 млн палестиналық тұратын лагерлерде жағдай қиын. Мұнда соңғы тәулікте суықтан 14 адам үсіп қайтыс болған. Арасында балалар бар. Өңірде нөсер жауын жауып, екпінді жел тұрған. Жеңіл палаткалар желдің күшіне шыдамай құлады. Су деңгейі 1 метрге дейін көтерілген. Оқиға түн ортасында болып, онсыз да күрделі гуманитарлық жағдайды ушықтырды.