Петропавлда өрт сөндіру бөлімі ашылды

Петропавлдың Береке ықшам ауданында мамандандырылған өрт сөндіру бөлімі ашылды.

Жаңа нысан заманауи қондырғылармен жарақталған. Жоба құны 2 млрд теңге. Өрт сөндіру бөліміне қызметтік борышын орындау кезінде қайтыс болған құтқарушы Алтынбек Әдбірахмановтың есімі берілді. Қайғылы оқиға 2015 жылы тіркелген болатын. Ашылу салтанатына марқұмның туған-туыстары қатысты.

Зүбәйда Әбдірахманова, зейнеткер:

Міне, 10 жыл болып қалды. Барлығына рахметімді айтамын. Алтынбегім өзі сондай өте бала еді. Басқаның өміріне араша түсті ғой.

Салтанатты шара басырында өрт сөндірушілерге 10 арнайы техника мен 6 қызметтік пәтердің кілті табысталды. Баспана иелерін анықтау кезінде салада ұзақ жылдар бойы жұмыс істеп жүрген мамандарға басымдық берілген. Көппәтерлі үй өрт сөндіру бөлімінің аумағында орналасқан.

Шыңғыс Әрінов, ҚР ТЖ министрі:

Біздің құтқарушыларға жақсы жағдай, қамқорлық көрсетсек, баспана берсек ертеңгі күні олар да міндетті түрде халыққа адал қызмет етіп, алда талай жақсы нәтижелер береді деген ойдамыз.