Жерлестеріміз V Азия Пара ойындарында 68 медаль жеңіп алды

Жасөспірімдер арасындағы V Азия Пара ойындарында ел намысын абыроймен қорғаған қазақстандық пара спортшылар елге оралды. Дубайдан келген ұлттық құраманы әуежайда ата-аналары, жақын туыстары мен жанкүйерлері қарсы алды.
Халықаралық додада Қазақстан құрамасы 68 медаль еншілеп, жалпыкомандалық есепте 45 елдің ішінде 5-орынға тұрақтады. Жүлделердің 25-і – алтын, 23-і – күміс, ал 20-сы – қола. Бұл – жасөспірімдер пара спорты тарихындағы ең жоғары нәтижелердің бірі. Жалпы ауқымды жарыс жас спортшылар үшін халықаралық тәжірибе жинауға, классификациядан өтуге және болашақтағы ірі бәсекелерге дайындықты күшейтуге мүмкіндік берді,-дейді мамандар