Астанадағы «Келешек мектепте» алғашқы дзюдо зал ашылды

Астанадағы нөмірі 45-ші «Келешек мектебінде» дзюдодан Қазақстандағы алғашқы мамандандырылған зал ашылды. Бұл Оқу-ағарту министрлігі Ұлттық ғылыми-тәжірибелік орталығы және халықаралық дзюдо федерациясымен бірлескен жоба. «Мектептегі дзюдо» бағдарламасы аясында жаңадан ашылған залда  спорттың осы түріне қажет заманауи жабдықтардың бәрі болады. Сонымен қатар оқу-әдістемелік материалдары да толық. Бұл мектептегі дзюдо залдарының желісін қалыптастырудағы жұмыстың басы ғана. Алдағы уақытта заманауи мектептерде дәл осындай залдар ашылмақ.