Астанада үздік еріктілер марапатталды

Астанада «Amanat» партиясы «Жастар Рухы» жастар қанатының Республикалық сыйлығы табысталды. Биыл бесінші рет ұйымдастырылған шарада қоғамдық бастамаларға айрықша үлес қосқан еліміздің ең белсенді жас азаматтары марапатталды. 18 бен 35 жас аралығындағылар арасындағы байқауға 500-ден астам өтінім келіп түсті. Жалпы, осы жылдар аралығында 100-ге жуық жас «Рухтастар» сыйлығының иегері атанды. Әр марапат – еңбекпен келген жетістіктің және тынымсыз ізденістің нағыз үлгісі.  Үздіктер «Нұрлы ақыл» үздік жас ғалым, «Қайсар» жыл батыры, «Ыстық қайрат» еңбек адамы, «Жылы жүрек» жыл еріктісі сынды бірнеше номинация бойынша марапатталды.

Баймұрат  Сексенбек, «Рухтастар» сыйлығының иегері:

Белсенді «Рухтас» номинациясын алдым. Өте қуаныштымын. Ақмола облысы Көкшетау қаласының белсендісімін. Бұл әріптестерімнің де жемісі деп есептеймін.