Павлодарда барлық бағыт бойынша жолдар жабылды

Павлодарда күн райы сәт сайын құбылып тұр. Жолдар бірде ашылып, бірде жабылады. Аймақтағы ауа райына қатысты ахуалды меншікті тілшіміз айтып береді.

Болат Аманбаев, тілші:

Павлодар облысында кешкі сағат 7-ден бастап барлық бағыттар бойынша жол жабылды. Себебі боран көтеріліп келеді. Кеш түсе ауа температурасы суыта бастады. Қазір -7 градусты көрсетіп тұр. Күндіз жылымық болды. Ал кешегі түнде көктайғаққа байланысты барлық бағыттар бойынша жол жабылған болатын. Күндіз қайта ашылды. Бүгін түске дейінгі ауысымдағы 1-9 сыныпқа дейінгі оқушылар сабақты онлайн форматта оқыды. Ал екінші ауысымдағы оқушылар үшін қалыпты жағдайда, яғни мектеп ішінде өткізілді. Болжамға қарағанда ертең өңірде күн ашық, ауа температурасы 6 градус суық болады.