Мұнай-газ секторында жетістік көп

Өңірлердің 64 пайызы газбен қамтылған. Тек биыл 360 мың тұрғын көгілдір отынға қол жеткізді. Бұл туралы Энергетика министрлігінің арнайы брифингінде айтылды. «Талдықорған-Үшарал» магистральдық газ құбыры мерзімінен бұрын іске қосылды. Оған қазынадан 112 млрд теңгеден астам қаржы бөлінді. Бұдан бөлек, жиында мұнай секторындағы жетістіктер сөз болды. Биыл Теңіз кен орнындағы «Болашақ» жобасы аяқталып, жыл сайын қосымша 12 млн тонна көлемінде мұнай өндіріліп отыр. «Алдағы уақытта бұл экономика үшін ұзақмерзімді әрі қуатты экспорттық кіріс көзін қалыптастырады», - дейді министрлік.