Басты Жаңалықтар Будапештте «қазақ-мажар этноспорт және мәдени қауымдастығы» құрылды

Будапештте «қазақ-мажар этноспорт және мәдени қауымдастығы» құрылды

17.12.2025 10:16

Мажарстанда «қазақ-мажар этноспорт және мәдени қауымдастығы» құрылды. Қоғамдық мекеменің Будапешттегі тұсаукесеріне Мажарстан депутаттары, Әзербайжан мәдениет үйінің өкілдері мен қазақстандық студенттер қатысты. Қауымдастықты құрған Мажарстандағы жерлесіміз Жанаргүл Бақтыгерейдің мақсаты – шетелдіктерге ұлттық спортты, бай мәдениетті паш ету.

Тұсаукесерге жиналғандарға қазақтың бес асық ойыны таныстырылды. Қауымдастық өкілдері жаңа жылда тоғызқұмалақтан халықаралық турнир өткізіп, қазақ тілі курстарын ұйымдастыруды көздеп отыр. Будапештте оқитын қазақстандық студенттер шетелдік меймандарға ән мен күйден шашу шашты.

Автор

Нұрсұлу Қасым

Бөлісу