Қызылордада үш науқасқа бүйрек трансплантациясы жасалды

Қызылордада алғаш рет бір күнде үш науқасқа бүйрек трансплантациясы жасалды.

Операцияны облыстық көпбейінді аурухананың дәрігерлері мен Сызғанов атындағы «Ұлттық ғылыми хирургия орталығының» трансплантологтары бірлесіп жасаған. Үш науқастың екеуі 40 жастан асқан әйел, біреуі 20 жастағы жігіт. Оларға жақын туыстары ағза доноры болып, бір бүйрегін берген. Күрделі операциялар 15 сағатқа созылып, сәтті аяқталды. Қазір науқастардың жағдайы орташа ауыр, дәрігерлер бақылауында.