3 жастағы баланы шымкенттік дәрігерлер құтқарып қалды

Шымкентте дәрігерлер 3 жасар баланы құтқарып қалды. Өзін жайсыз сезінген сәбиді қалалық балалар клиникалық ауруханасына шұғыл жеткізген. Ата-анасының айтуынша, бала ойнап жүріп магниттерді жұтып қойған. Дереу операция жасаған дәрігерлер баланың асқазанынан  диаметрі 0,5 см болатын 16 магнитті эндоскопиялық құралдар арқылы алып шықты. Қазір баланың жағдайы тұрақты.

Нұрғали Әбдукәрімов, қалалық балалар клиникалық ауруханасының дәрігері:

Операция кезінде асқазан ішек жолында бөгде зат, яғни 16 дана магнит табылып, оны асқазан ішек жолдарынан алып тастадық.